Skulu vit oyða grágásina enn einaferð?

Abstract

Fyrr í vikuni kærdi sýslumaðurin í Sandoy sína neyð, tí hann fekk so nógvar fyrispurningar frá fólki um at sleppa at skjóta gæs. Nú úttalar Búnaðarstovan seg somuleiðis um, at landið orsaka av grágás og brandgás missir milliónir av krónum, tí at hesin fuglurin etur og skítir ov nógv. Hetta er eitt gott dømi um, hvussu vit føroyingar hava lyndi til at liva frá hondini í munnin. Tey sum kenna eitt lítið sindur til søguna, vita, at vit føroyingar einaferð fyrr hava klaga somikið nógv um grágásina, at vit oyddu hana. At grágásin av Guds náði er byrjað at reiðrast aftur í Føroyum átti vit at verið takksom fyri, men tvørturímóti tykist tað sum at vit ynskja at oyða hana enn einaferð.