Skip to content

Mohlomphehi Sompane

      About

      Know thyself, Thy roots, ADVICE: don't go all religious on me because you will regret it! Mohlakwana Pholo ya Disema, Maila-ho-ngwathelwa, Motho ya sa jeng ngwathwana sa maobane, Ya antseng tsweleng la Motaung wa Rampai wa Mathibedi, Wa Napo le Mosito, Ya jang feela ha ho thea ya diotlwana, Ho thea e menyenyane, Ke letibi, ke lefirwane, Tshwene ya etjha senana e beleha, Ke kwena, kwenanyane, E a hlapa, e a theosa madiboho, Kwena, kwena tse ding ha di e je! Thapelo ea Sesotho: "Molimo oa leseli oa Rammoloki, Molimo ak'u re utloe rea rapela, Molimo e mocha rapela oa khale, O re rapelle ho e moholo Jere, Mojari oa lit'sito tsa batho, Molimo o atla li maroba, Atla li robokiloe ke ho re shoela, Atla li ts'oeu tsa Rammoloki Tlhatlha-Macholo, Li ts'oeu ke ho bopa masea, A manyenyane libokothoane, Bo-Nkhono ba llela matlala, Ba tla a bona kang ba shoele, Ba tla a bona ka paka tsa mabitla, Tlhatlha-Macholo, tlhatlha metsi a etse keleli ea mariha, Hoba keleling o nchafatsa lichaba teng, Lichaba li tsoang ho oena 'Mopong, Li tlang ho boela ho oena meahong. Leseli.........Khanya